Localitads da habitar

Las 28 combras ein repartidas en quater gruppas da habitar. Ina buna mischeida da confort da habitar, segirtad e 
prestaziuns da survetsch possibilitescha ina moda da viver individuala.

Mintga combra singula ni dubla confortabla e spaziusa dispona da duscha/toiletta e d’in letg da tgira. Davart igl ulteriur mobiliar astga mintga cussadent/a decider sez/za; nus beneventein sch’ils cussadents endrezzan lur stanza tenor agen gust, cun atgnas mobilias e caussas persunalas per aschia scaffir in’atmosfera familiara. Sin giavisch mettein nus a disposiziun ina meisa da notg, meisa e suppia, scaffa ed era scaffa en tschaler. En mintga stanza sesanfla ina colligiaziun per televisiun, radio e telefon.

Diversas localitads envidan da star da cumpignia ni da separticipar ad activitads. Secapescha eis ei era pusseivel da seretrer dil mintgadi e dallas differentas activitads dalla Casa sogn Giusep.