Tgira ed assistenza

La tgira e l’assistenza ein nossas cumpetenzas-clav ella Casa sogn Giusep. Tgirar munta per nus stabilir cun ils cussadents ina relaziun da fidonza che gida a purtar il mintgadi e las difficultads dalla veta.
Igl ei nossa finamira da sustener la qualitad da viver da mintga cussadent/a, e quei era cun plaids da confiert, da segirtad, d’intimitad e d’empatia.
Tgirar vul era dir prender per mauns activamein e cun finamiras claras las sfidas dalla veta ella vegliadetgna entochen alla mort, e quei cun risguardar la historia dalla veta, la malsogna e las valurs.
Las purschidas da tgira vegnan exequidas cun mauns inschignus, cun cordialitad e savida professiunala. Aschia s’uneschan la tgira e l’assistenza ad in’unitad che sereferescha als basegns, allas resursas, allas finamiras ed al basegns da sustegn.

Esser creativs ell’organisaziun dall’atgna veta, far svilups era ella vegliadetgna, scuvierer caussas nunusitadas e novas promova Vossas fermezias e levgescha l’existenza. Quella tenuta vegn derasada di per di ell’assistenza ed ella tgira.

Dapli davart la varietad dalla tgira intervegnis Vus ella rubrica “Purschida”.