Cuschina e survetsch da tschaveras

Il beiber e magliar ei colligiau cun relaziuns sozialas e numerusas isonzas persunalas e regiunalas – omisduas integrein nus el mintgadi. Ils products frestgs ord la regiun vegnan preparai cun bia carezia e creativitad tier variontas tschaveras. Quellas vegnan, en collaboraziun cul survetsch da tschaveras da Spitex Cadi e pigl intschess dalla vischnauca da Sumvitg, purtadas tier Vus a casa.

Nies team da cuschina selegra da puppergnar nos cussadents sco era visetas e hosps d’ordeifer. A caschun da festivitads creescha nies team da cuschina fins banchets ed ils legendars desserts ein enconuschents lunsch entuorn. Forsa stat era tier Vus ina fiasta avon porta? Fuss ei buca ina buna alternativa da schar puppergnar Vus en Casa sogn Giusep? Seigi quei entras ina spontana annunzia per ina meisa da miezdi en nossa cafeteria ni da bial’aura sin nossa bellezia terrassa. Las sescuntradas cun cussadents procuran per emperneivels discuors e sentupadas.

Empustaziuns per gentar pren nies team da cuschina bugen encunter entochen  allas 10.00 uras dil medem di per telefon 081/929 30 04

Telefon Spitex Cadi: 081/936 36 40

Nossa ulteriura purschida, dalla qualla Vus saveis far diever per occasiuns privatas, anfleis Vus sut il document da PDF cheusut.

» Angebote Küche/Konditorei (PDF)