Dimora

La Casa sogn Giusep ei ina casa d’attempai e da tgira innovativa e surveseivla che sustegn Vus a moda cumpetenta e professiunala, e quei independentamein da Vossa malsogna ed infirmitad.
En cass d’in pigiurament acut dalla sanadad ei la stretga collaboraziun cun Vies miedi da casa per in tractament medicinal garantida. Nossa incumbensa eis ei da mitigar Vos mals e da sustener Vies beinesser. En contact cun Vos confamigliars formein nus communablamein quella fasa dalla veta.

Entrada

Entrar ella Casa sogn Giusep significhescha midar il liug da dimora e quei probablamein per veta duronta. Tenor cunvegnientscha cun la direcziun dalla casa astgeis Vus da principi era prender cun Vus Vos animals da casa.

Dimora limitada

Suenter ina dimora el spital ni suenter ina greva malsogna gida la dimora limitada temporalmein a tancar novas forzas. En quei connex gioga la tgira rehabilitativa ina rolla centrala.
Per descargar Vos confamigliars che tgiran Vus, saveis Vus passentar Vossas vacanzas tier nus. Davart il cuoz secunvegnin nus cun Vus ordavon.

Purschida dil di

La purschida dil di serestrenscha a singuls dis dall’jamna che nus fixein communablamein. Vus haveis la pusseivladad da participar ad activitads da gruppa e nus promovin Vossas cumpetenzas da mintgadi. Quei ei ina purschida da sustegn per persunas che tgiran confamigliars, per possibilitar ad els da sededicar en ruaus a lur obligaziuns da mintgadi.

Purschida dalla notg

Per descargar ils confamigliars che tgiran Vus, haveis Vus la pusseivladad da passentar singulas notgs ad jamna ella Casa sogn Giusep. Il persunal da notg s’occupescha da Vus per che Vus sesenties bein tier nus.