Tgi essan nus?
Cussegl da fundaziun
Valentin Schmed
president dil cussegl da fundaziun
cumissiun dalla casa
Cornelia Vogel
commembra dil cussegl da fundaziun,
vicepresidenta, actuara,
cumissiun dalla casa
Lucas Tuor
commember dil cussegl da fundaziun
e responsabel per las finanzas,
cumissiun dalla casa
Gieri Duff
commember dil cussegl da fundaziun
Rita Berther
commembra dil cussegl da fundaziun
Martin Candinas
commember dil cussegl da fundaziun
Patrick Schaniel
commember dil cussegl da fundaziun
Fundaziun
Sin fundament da directivas legalas vegn la Casa Sogn Giusep menada dapi igl onn 2016 sco fundaziun independenta ch’intenda in menaschi sco casa da tgira. En quei connex sa la fundaziun porscher era auters survetschs sco era ulteriuras fuormas cumplementaras d’assistenza, tgira e habitar.
Il baghetg construius sco hotel da Gion Clemens Riedi da Pardomat ils onns 1908 entochen 1910 ei vegnius vendius alla Caritas Turitg igl onn 1932. Quella ha allura nezegiau il baghetg sco casa da vacanzas per persunas malsaunas. Cul consentiment digl uestg da Cuera ei la casa vegnida endrizzada igl onn 1948 sco emprema casa d’attempai catolica dalla Surselva. Entochen igl onn 2016 eis ella vegnida menada sco fundaziun dalla Baselgia.
Maletg empalont
Casa Sogn Giusep – persunal, appreziau ed aviert
Nus lein porscher oz ed igl avegnir in liug da viver che risguarda midadas socialas e regiunalas e che sustegn surtut ina veta independenta e digna. Nossa visiun eis ei da procurar che la Casa Sogn Giusep resta in liug da viver che garantescha ina tgira ed in accumpignament professiunal orientaus als basegns a liunga vesta.
Nossas valurs da basa – respect, empatia, stema, cuminonza e qualitad da viver – segnan il mintgadi communabel.
