Liug da viver

Aults standards da qualitad defineschan la tgira professiunala. Quella s’orientescha als basegns individuals. Il mintgadi dalla tgira ei signaus da cumpetenza, d’in accumpignament dign e plein respect sco era d’ina collaboraziun sin tuts secturs dalla casa e cun specialists externs.
Nus prendin risguard sillas historias dils carstgauns che habiteschan tier nus, aschibein sco sils basegns che semidan el decuors dalla vegliadetgna. Nus lein dar il sentiment da segirtad, d’in dacasa cauld, da confiert e confidonza.

Bei uns können Gutscheine für Coiffeur und Fusspflege bezogen werden. Anfragen: Telefon 081 929 30 00

Cun ina purschida varionta lein nus dar accents alla qualitad da viver. Activitads creativas, aventuras communablas cun moviment, giugs, cuschinar, musica e cant promovan la cuminonza e dattan a mintga singul carstgaun il sentiment d’esser impurtonts e prezius. Nies mintgadi ei rehs da purschida ed arranschaments el ritmus dallas stagiuns.

Magliar e beiber ei cumbinau cun disas regiunalas e persunalas. Quellas risguardein nus mintga di. Ils products frestgs dalla regiun vegnan preparai cun bia carezia e creativitad a menus varionts, risguardond las prescripziuns dalla higiena.
Nies team da cuschina selegra sin annunzias pil gentar – seigi duront l’jamna ni la fin d’jamna – e puprogna bugen vus. Annunzias per telefon vegnan risguardadas entochen las 10.00 dil medem di: 081 936 30 04.

En collaboraziun culla Spitex Cadi vegnan ils menus purtai sin giavisch a casa entras il survetsch da tschaveras dalla vischnaunca da Sumvitg. Per l’organisaziun sedrizzei tier la Spitex Cadi: Telefon Spitex 081 936 36 40.

Nossa caffetaria envida vus da star da cumpignia. Ella dat era investa ella veta ella Casa Sogn Giusep. Cussadents, parents, vischins e visitaders – tuts ein cordialmein beinvegni. Cussadents, parents, vischins e visitaders – tuts ein cordialmein beinvegni. Gudi entginas emperneivlas uras en nossa caffetaria ni – da bialaura – sin nossa generusa terrassa da curtgin.
Temps d’avertura dalla caffetaria & terrassa da curtgin: 11.30 – 17.30 uras.

La sempla mo tonaton eleganta caplutta en nossa casa envida da guder il ruaus, da reflectar ni da far in’oraziun persunala – era per in’autra tenuta culturala ni religiusa.
Ina ga per jamna vegn celebrau in survetsch divin catolic en nossa caplutta. La pastoraziun ei garantida entras las pleivs vischinontas.