La Casa sogn Giusep porscha in suttetg a trenta
cussadents attempai ni che basegnan tgira. Ina buna
consonanza da confort da habitar, segirtad e
prestaziun da survetsch possibilitescha ina moda da
viver individuala. Ins contonscha mintg’alzada per
scala ni cugl ascensur.
.....En nossas stanzas confortablas e vastas s’auda
tier il mobiliar da standart in letg da tgira, ina scaffa ed
ina meisa da notg. Pigl auter astga mintga cussadent
endrizzar sia stanza tenor agen gust e cun atgnas mobilias
e caussas persunalas per aschia scaffir ina sfera
familiara.
....En mintga stanza sesanfla ina colligiaziun per
televisiun, radio e telefon.
.....Divers logs da sentupada ed ina caffetaria
cumpleteschan la purschida. En cass da tgira intensiva
astgan nos cussadents en principi star en lur stanzas
ch’els han drizzau en, per salvar lur sfera privata.
.....Suenter in discuors ed era en accordanza cun la
meinacasa astgeis Vus da principi prender Vies
animal da casa cun Vus, aschilunsch sco quel munta
buca ina mulesta pils concussadents ni pil persunal.