Nossa cuschina ei in punct central en Casa sogn Giusep.
Il team da cuschina da nossa casa sedat tutta breigia da
puppergnar ils cussadents sco era visetas e hosps
d’ordlunder. Ord products frestgs da nossa regiun prepara
el cun bia carezia menus variabels e gustus. Tier la
planisaziun dallas tratgas sesprova il team da cuschina
da risguardar giavischs e queidas dils cussadents.
.....Era persunas che lessen buca cuschinar a casa, san
s’annunziar per telefon e semetter a meisa tier nus.
Tier certas occasiuns offerescha la Casa sogn Giusep in
brunch variont. Fuss quei in’idea era per Vossa famiglia ni
per in’uniun da reservar tier nus ina dumengia avon-
miezdi per in brunch?
.....Vegn ei preparau in buffet d’apéro, lu san nos cussadents
ch’ei dat enzatgei tut special en casa. La scuntrada denter
cussadents e hosps el foyer promova emperneivels discuors
e bialas sentupadas.
Per fiastas d’anniversari sco era per autras fiastas prepara
nies team da cuschina grondius banchets ch’el presenta
a moda professiunala. A caschun d’ina speciala fiasta astga
era il buffet da dessert ord la cuschina dalla Casa sogn
Giusep buca muncar.
.....Nus dein gronda attenziun all’atgna producziun.
Igl ei bein enconuschent che la Casa sogn Giusep furnescha
sin empustaziun tuortas e patissaria tenor giavisch.
Ina numerusa clientella appreziescha quella purschida.
.....Veis era Vus in motiv da far fiasta? Vegni en Casa sogn
Giusep e seschei puppergnar!