Nossas activitads sedrezzan tenor il ritmus dallas stagiuns
e da lur fiastas corrispundentas digl onn. Mo era formar
il mintgadi schai a nus fetg a cor. Nos cussadents astgan far
diever tenor plascher e giavisch d’ina vasta purschida
d’activitads sco per exempel dar giugs, cantar, luvrar manual-
mein, cuschinar, far part ella gruppa da menus, far giugs
d’acziun, formar e zambergiar e d’ulteriuras purschidas.
Tenor giavisch ni necessitad purschein nus era in accumpi-
gnament d’activitad persunal.
.....Entras activitads cunscientas lein nus promover la
qualitad da viver ed igl agen esser e destadar igl interess
per novas valurs. Nossas cussadentas e nos cussadents
fuorman e zambregian caussas zun creativas e plascheivlas
per decorar l’atgna stanza sco era la Casa sogn Giusep,
ni per schenghegiar.
.....Bugen fagein nus punts denter las generaziuns cun
cumpigliar glieud giuvna en differents projects. Nus promovin
era il contact cun nos vischins entras porscher cuors publics
ni referats.